職前檢查一
我哋嘅職前檢查係會驗眼同驗小便+簡單嘅全身檢查。
好多黎做Body Check係Expect我望佢一眼，跟著我話佢合格，佢俾$就完左件事。大佬，我唔識你㗎！我唔敢就咁幫你填架！就算你睇開，你呢一刻有冇事我都要再做檢查㗎。做場戲，耍返套拳都要啦。
大把人去覺得呢件事好荒謬，覺得我要落手做檢查先至肯填報告係前所未有嘅奇人奇事。仲問番我地點解唔可以就咁填？嗱，你可以去問第二位醫生肯唔肯，一定有人肯嘅！我間診所入面就冇一個醫生會肯。D $又唔係袋我地袋，我做咩要咁危險？白紙黑字寫我名，我要孭㗎。我唔做PE by eyeball ok? 你OK就做，唔OK過主唔該。
不過，抵死嘅係，通常佢哋問完價，知道我哋平，就會第日再死返嚟。又要平，又要唔使做檢查，又要幫你填報告，邊有咁筍啊出面？
PS: 寫健康證明一樣。唔好問點解其實要做檢查先肯寫。仲有啲更加離譜喺要我寫證明佢可以去西藏跑馬拉松但係唔俾我做檢查。
Search